Reykjavíkurmaraþon 2012 | Hljóðfangarinn

Hljóðfangarinn

Hljóðfangarinn haus 2

Reykjavíkurmaraþon 2012

6. júní 2013 · Engin ummæli

Reykjavik Marathon

Það var ákaflega notalegt og beinlínis streitulosandi að fara niður í miðbæ Reykjavíkur, morguninn sem Reykjavíkurmaraþon var haldið þann 18. ágúst 2012. Rúmlega 13 þúsund manns voru skráðar í hlaupið sem var metþátttaka. Veðrið var gott og það besta af öllu var að miðbærinn var laus við bílaumferð. Helsti hávaðinn kom frá gjallarhorni keppnishaldara og frá tveimur flugvélum sem komu til lendingar á Reykjavíkurflugvelli.
Staðsetti ég hljóðnema í runna fyrir neðan Fríkirkjuna og lét þá fanga það sem allt snerist um þennan dag. Í upphafi hljóðritsins má heyra fólk streyma frá hægri til vinstri á leið sinni frá bílastæðum við Hringbraut niður á Lækjargötu að ráslínu. Stuttu eftir að rásmerki er gefið koma hlaupararnir 13 þúsund eins og stórfljót frá vinstri til hægri sem svo hverfur á fimm mínútum. Þegar þeir eru svo horfnir úr augsýn færist allt aftur í eðlilegt horf við Fríkirkjuveg.

Download mp3 file (192kbps / 28,2Mb)

Sjá og heyra meira á: www.fieldrecording.net
Recorder: Sound Devices 744
Mics: Sennheiser MKH30/20 (MS setup)
Pics: Canon 30D (see more pictures)

Flokkun: Óflokkað · Bloggarar · Hljóðblog · Mannlíf